หนังสือปีใหม่เมืองล้านนา พ.ศ. 2566
ปั๊กกะตืนล้านนา ปี๋ก่าเหม้า(เถาะ) พ.ศ.2566 จ.ศ.1385 สังขานต์ล่อง เดือน 7 เหนือ แรม 9 ค่ำ เป๋นวันที่14 เมย.66 สระเกล้าดำหัวเบ่นหน้าไปตางตะวันออก สะหรีอยู่ที่ท้องเอาน้ำอบน้ำหอมทา จังไรอยู่ที่หน้า กาลกิณีอยู่หน้าผาก เอาน้ำขมิ้นส้มป่อยเจ๊ดขว้าง นุ่งผ้าใหม่ เหน็บดอกเอื้อง ปีนี้ดอกเอื้องเป๋นพญาดอก
15 เมย.66 เป๋นวันเน่า บ่าดีทำก๋านมงคล บ่าหื้อขุ่นมัวด้วยบาป ห้ามฆ่าสัตว์ ด่าทอ ปากบ่ดี ห้ามผิดเถียงกั๋น อยู่ในศีล ปัดกวาดหอเฮือน ขนทรายเข้าวัด
16 เมย.66 เป๋นวันพญาวัน ผีเสื้อ(อารักษ์) จักอยู่ไม้ข่อย ห้ามสับฟัน ตัดไม้ข่อย จักเป๋นอุบาทว์ ไม้เพา (ไม้รัง) เป๋นพญาไม้ เอามัดติดเสาเอก ร้านค้า จำเริญนักแล ฝนหัวปี๋บ่สู้มี กลางปี๋จะนัก คนตังหลายมักเป๋นพยาธิ์(ป่วย) คนเกิดวันอังคารจักมีลาภ ท้าวพญา(เจ้าเมืองหรือผู้มียศศักดิ์)แลสมณะพราหมณ์จักเดือดร้อน
หนังสือปีใหม่เมืองล้านนา พ.ศ. 2566 ฉบับสำนักส่งเสริมศิลปวัฒนธรรมและล้านนาสร้างสรรค์ มช.
สำนักส่งเสริมศิลปวัฒนธรรมและล้านนาสร้างสรรค์ มหาวิทยาลัยเชียงใหม่ เปิดให้บริการดาวน์โหลด “หนังสือปีใหม่เมืองล้านนา ประจำปี พ.ศ. 2566″ ฉบับสำนักส่งเสริมศิลปวัฒนธรรมล้านนาสร้างสรรค์ มหาวิทยาลัยเชียงใหม่ คลิกดาวน์โหลดปุ่มสีเขียวด้านล่าง
ที่มา https://art-culture.cmu.ac.th
