- เมื่อจะกิ่วขอหื้อกิ่วคองู เมื่อจะอูขอหื้นอูคอจ๊าง
- สอนเปิ้นไต่ขัว ตั๋วกลั๋วตกน้ำ
- กิ๋นส้มบ่ดีฮาน กิ๋นหวานบ่ดีป้ำ
- หันเปิ้นมีจะไปใคร่ได้ หันเปิ้นขี้ไร้จะไปดูแควน
- กำกึ้ดดีขายสลีนอนสาด
- คนฉลาดอย่าปะหมาดคนง่าว
- คนเฮาใหญ่แล้วบ่ต้องมาสอน จิ้ง*ด แมงจอน ไผสอนมันเต้น
- กว๋างฟานมันตึงบ่ต๋ายเหล่าใหม่ มันตึงมาต๋ายเหล่าเก่า
- ของกิ๋นลำอยู่ตี้คนมัก ของฮักอยู่ตี้คนเปิงใจ๋
- ครั่งใกล้ไฟ ไขใกล้แดด
- ได้ผ้าต๊วบใกล้แจ้ง
- ฝนจะตกจะไปเจื้อใจ๋ดาว มีลูกสาวจะไปเจื้อใจ๋มัน
- เยียะไฮ่ไกล๋ต๋า เยียะนาไกล๋บ้าน
- อย่าอวดสูงกว่าป้อแม่ อย่าอวดแก่กว่าอาจารย์
- กิ๋นหื้อปอต๊อง หย้องหื้อปอตั๋ว
- เก็บผักหื้อเก็บตึงเครือ เก็บบ่าเขือหื้อเอาตึงขวั้น
- บ่าลืมของเก่า บ่าเมาของใหม่
- ใหญ่เพราะกิ๋นเข้า เฒ่าเพราะเกิดเมิน(เฒ่าเพราะปี๋เดือนวัน)
- เกิดตะวา มืนต๋าตะเจ๊า จะไปฟั่งแก่เฒ่ากั๋นเลย
- อย่าฮู้ก่อนหมอ อย่าซอก่อนปี่
- ของกิ๋นแมวจะไปเอาไว้ใกล้ฝา ของกิ๋นหมาจะเอาไปไว้ต่ำ
- กันเข้าวัดหื้ออู้คำปราชญ์ กันเข้ากาดหื้อเป็นพ่อค้า
- ผ่อชายมีผญา หื้อผ่อเมื่อยามกินเหล้า
- เป็นสาว เปิ้นช่างว่าฮ้าย เป็นแม่ฮ้างแม่ม่ายเปิ้นช่างดูแคลน
- ก้นหม้อบ่ฮ้อน บ่เป๋นแต่ไห มันเป๋นแต่ไฟ บ่ใจ้ก้นหม้อ
- ไก่เกยจน คนเกยฟ้อน
- สิบตอกมัดบ่แน่นเต้าหวาย อู้กั๋นบ่ดายบ่เต้ากิ๋นเหล้า
- ปากว่าแล้วก่อแล้วตึงใจ๋ ปากว่าจะไดใจ๋ว่าจะอั้น
- ปากว่าแต๊น้ำใจ๋บ่ต๋าม อู้เอางามน้ำใสซ่วยหน้า
- จังไผจะไปฮื้อเปิ้นฮู้ เจ้าชู้จะไปฮื้อเปิ้นหัน
- นาดีเปิ้นบ่ละเป๋นฮ้าง
- นุ่งเสื้อลายหมาเห่า ค้นกำเก่าจ้างผิดกั๋น
- หลัวหลวง เติ้กก้อนเส้า ผัวเฒ่าเติ้กตี้นอน
- เว้นหมาหื้อปอศอก เว้นวอกหื้อปอวา
- เก็บผักลวดหักหลัว ตกขัวลวดอาบน้ำ
- แก่นต๋าตั๋วควักออก เอาบ่ากอกเข้ายัด
- แก้วแหง แสงแตก สะแหรกปุด สุดขาด สาดหิ้น ของเหล่านี้ ใจ๊ก๋บ่ได้
- กำปากว่าแต้ ใจ๋แผ่ไปหลาย ปากว่าบ่ดาย ใจ้ก๋ารบ่ได้
- กันว่าจะมัด บ่ต้องมัดด้วยป๋อ กำปากกำคอมัดกั๋นก็ได้
- กันว่าจะมัด บ่ต้องมัดด้วยหวาย อู้กั๋นบ่ดายบ่เต้ากิ๋นเล้ว
- ไก่เจ้าเล้า เป๋นใจ๋เห็น
- กำจ่มกำด่านั้นเป๋นกำดี ถ้าฟังบ่ถี่มันตึงบ่ม่วนหู
- กำขอแปงเหลือกำซื้อ กำลือแปงเหลือกำอู้
- ข้าเก่าเต่าฮ้าย เสือควายมีเขา จั๊กเข็บแมงเวา เลี้ยงไว้บ่ได้
- ข้ามขัวบ่ป้น บ่ดีฟั่งห่มก้นแยงเงา
- ข้าวลีบงวงตั้ง ข้าวเต้งงวงก๊อม
- ของกิ๋นบ่มักบ่จ้างขับจ๋ำ ของกิ๋นบ่ลำบ่จ้างก๋ำป้อน
- ขี้แห้งจับต๋าหมา
- ดาวเดือนอยู่ฟ้า ยังมีราหู ปลาเหยี่ยนอยู่ฮู ยังต๋ายถูกส้อม
- ปี้จายกับน้องเมีย เหมือนต๋าเพี้ยกับแมงพิ้ง
- ไปบ่มีไผดา มาบ่มีไผต้อน
- ถ่านไฟเก่า ขี้เต้ามันยัง
- ได้กิ๋นแก๋งปล๋า มาละแก๋งจิ๊น มาละ*บหิ้งหมองดาย
- หมาบ่เห่าบ่ดีเปี๋ยไม้ ละอ่อนบ่ให้บ่ดีปั๋นเข้าหนม
- หมาบ่เห่าจะไปหลอก คนหัววอกจะไปคบมัน
- อยู่ดงป่าไม้ จะไปต้าเสือ อยู่ยังแปเฮือ จะไปต้าเงือก
- เสียมบ่คมหื้อใส่ด้ามหนัก ๆ กำฮู้บ่นักหื้อหมั่นฮ่ำหมั่นเฮียน
- หนุ่มเอาเก๊า เฒ่าเอาปล๋าย
- หันสาวก่ใครหยอก หันดอกก่ใคร่ดม
- หล็วกคนเดียว บ่เต้าง่าวตึงหมู่
- ตอกสั้น ฮื่อมัดตี้กิ่ว สิ่วสั้นฮื่อสิ่วไม้บาง
- มีนึ่งแล้วจะแอมแถมสอง ขี่เฮือน้ำนองซ้อนสองจั้งล่ม
- ใจ๋บ่ แข็ง บ่ ได้ขี่จ๊างงา ใจ๋บ่ กล้า บ่ ได้เป๋นป้อเลี้ยง
- คนเฒ่าปากหวาน ลูกหลานฮัก คนเฒ่าปากนัก ลูกหลานจัง
- ตั๋วเป๋นผะญาต ต้องล่นหาหมอ ตั๋วเป๋นจ้างซอ ต้องง้อหาปี่
เรื่องที่เกี่ยวข้อง
